mîrzam ye we’dey new weharanen
newbehar
Li pirtûka:
Dîwanî Melay Cebarî
Berhema:
Melay Cebarî (1806-1876)
2 Xulek
1196 Dîtin
mîrzam ye we’dey new weharanen
seretay telmît xatir daranen
fesił wesił dost seyr herdanen
leřey leřzaney zenex daranen
zemzemey bułbuł, debdebey gułen
ne zarey huzar derûn peř çiłen
ne pirşey şewnim ne řûy perdewe
nergiz mest çem welaw kerdewe
neqarey minqar teyranî sub xêz
bêzenan neẍmey nekîsay perwêzNava taybet
çirîkey çekawis çun ḧencerey ’ud
mer dengî çil çeng pencey barebudNava taybet
ho hoy bayequş şew we herdewe
zamî derdînan taze kerdewe
dengî qîřey qaz sub ne seḧray sûs
mer muzîqey meşq şehenşay ’erûs
tîp tîp qułingan qetarey qazan
mîrzam ta we jûr awat mewazan
ceres we aheng xoş qanûnewe
deng we seday saz erẍenûnewe
qumrî we qûqûy neẍmey hwêşewe
mil we tewqî zeř wefa řîşewe
ququşen we ferq şaxî serwewe
mer ḧacî weray sefaNava taybet û merweNava taybetwe
qewaqwî qetar qułengî tîj peř
kerden hoş û goş keřřûbîyan keř
ferşî fereḧ bexiş sewzey qedem xêr
ferşenen we miłk seḧray germesêr
dey sacey demda her kes diłêş bo
çwîn bułbuł heway sewday gułêş bo
ya xud çwîn ferhad dił aherîn bo
mezey mezaqiş namî şîrîn bo
ya xud ce derûn maye meyliş bo
çun mecnûn heway xałî leyliş bo
mebo ezmî seyr sewze û sara ko
damanş ne hûn derûn dara ko
new feyzî fitûḧ new weharewe
new beyzay enwar koy diłdarewe
seyrî seḧra û deşt serî dyaranen
nałey murẍezar... mêrẍuzaranen
dost le behaney diłistanî bo
la qeyd ne cewab «len teranîErebî» bo
şew sergerdanan ser azad kero
şyan we wadî eymenErebî şad kero
mer melaNasnava edebîyiş nîşo şew ne deycûrda
ne tîrey tarîk syay bê nûrda
er sitarem bê newa û berg bo
we dînî diłdar hwît şad merg bo