zilfekanit wa le dewrî ew deme cewlan eken
Li pirtûka:
Dîwanî Ḧemdî
Berhema:
Ḧemdî (1876-1936)
1 Xulek
524 Dîtin
zilfekanit wa le dewrî ew deme cewlan eken
her dełêy dû mare pasî çeşmeyî ḧeywan eken
xasî mestane ke lutfî diłnewayî ey senem
dîdekanit bo çî da’îm arezûy ’înwan eken
cûte ebrot da’îrey kêşa be řûta wek hîlal
şew lebeynaye wegerne şewqî xor penhan eken
min dezanî bo minetbarî serî gêsûyî tom
mû be mû basî perêşanî şewî hîcran eken
ẍunçekanî gułşenit hênaye girye pêkenît
lêwekanit îdî’ay xwênî gułî xendan eken
çawî to derkewt xiroşê kewte bezmî meykeşan
bo xumarî her yeke firyadî dû fincan eken
’aşiqan ebroy bibînin ḧazirin bo serbiřîn
ḧemdîNasnava edebî ya emma ewanîş îdî’ay ferman eken