le ladê
Li pirtûka:
Beheşt û Yadgar
Berhema:
Goran (1904-1962)
1 Xulek
2871 Dîtin
kiras ketanî kewa sewzî bejin û bała berz!
be şan û gozewe çen cwanî ey perîy ser’erz!
le dûrewe çi nimayane pêç û serpoşt!
çi zû egate demaxim şepolî boy xoşt!
şemałî řêgeyî kanî exate bałaket,
leranewey leşî zîwînî şořebîy kełeget!
eřoy be ’îşwe, be lence, be weznî goranî
eřoy... ziřey kemeret dê hetakû berkanî!
egeyte komełî pyawanî berdemî mizgewt
siłêk ekey wekû ask le sêberî eşkewt!
le řêgeta heye pol pol le lawî dê komeł
ke her yeke gułî hênawe çeşnê, piř baxeł!
hemû be ’ezretewen guł fiřê dene ber pêt
xwaye, axo gułî kê be diłtewe elkêt?