řewtêkî cwan
Li pirtûka:
Beheşt û Yadgar
Berhema:
Goran (1904-1962)
1 Xulek
3615 Dîtin
le jêr zerdey xoretawa,
be naw çîmenî gwê awa,
çen be aheng, çen sîḧrawî
egeřê qaz, yan mirawî!
ya kew leser befrî nizar
bo lûtkey hezar be hezar,
çen êskisûk çen gurc û goł
ekşê: pişt le toy textî doł!
ya kerwêşkî têr û qełew
leber tirîfey mangeşew
çen cwan eřwa be qunequn
sirk û gurc û sipî û xirpin!
ya poř le gwêřêgay deşta
legeł sayeqey paş weşta
çen wird û cwan, be lence û lar
eşêlê sewze gyay behar!
ya kotrî ḧewşî mizgewt
çen xincîlaney lê dê řewt!
ewende cwan, lewe cwantir
le şiney bay şew řewantir
le lerey pirşing, awaze
le xuřey aw, şî’rî taze
be ahengitir, be xuroştir
be gwêçkey dił dengî xoştir
pêy naz enê beser erza
cwanê le bejnêkî berza!