namenûsînî leylê bo mecnûn
Li pirtûka:
Leyla û Mecnûn
Berhema:
Xanayê Qubadî (1704-1778)
1 Xulek
1265 Dîtin
wat ey şehsewar çun şêrî meydan
mexfî ne cenab nacwanmerdan
nameyê ce min leyl natewan
biber perî qeys şehzadey cwan
nwîsa ey qeys, dosî derdimende
to ew kesenî nîsbet we bende
kerdî be sed new’ xelaf we’de
ce beyn merdum kerdîm şermende
wêt kerdî kenar byaban gerdî
abřûyî wêt leylit hem berdî
awazey wêłît ce temam xełq
me’lûmen, boş da we meşam xełq
min mendim bîmar xestey natewan
fa’îdeş nîyen byaban lwan
îseyç selamim qebûł bo ce lat
fikirî karê ker, herçê hen sełat
nameş pêçna, daş be ew swar
pey êl amîrî fewren bî řehwar
amawu persaş qeysiş kerd peyda
namey leylê da we mecnûn şeyda
mecnûn be sed şewq nameş sitana
be girye û zarî seranser wana