’ebdułła terzen
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
1 Xulek
908 Dîtin
’ebdułła terzen, ’ebdułła terzen
řasten xan bewr keyanî terzen
xaster ce ewlad gîw û guderzen
sed paye payeş, ce xanan berzen
nutfey sefî xan, kexusrew wêne
saḧêb esbab û genc û xezêne
sed geday çun min, muflîs bêbeş
kerden be saḧêb beftan û mefreş
bełê, hey seřaf, saḧêb xezêne!
danay duřişkaf, nîzamîy wêne
kesê çêş kero, min şûmistarim
min neḧis bedbext mîḧnetîy çarem
’eqił me’îşet xuda neda pêm
wêm na’umêd kerd, min be dest wêm
werne xan bewr, ḧatem dewstûren
xizmet sałan, celaş menzûren
hirgîznimazo çûn min ẍułamê
xaqanî nezmê, nîzamî famê
ce astaney ’alîş, řencim bêber bo
be cestey mecnûn, tûnim newer bo.