şîrîn eşhed bo
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
2 Xulek
1106 Dîtin
şîrîn eşhed bo, şîrîn eşhed bo
çend destey kiłaf syay eşhed bo
tay zułf seywan řiştey tanupo
boy ’etrê meyo şewbo ne şaho
***
saçax şewben megnołe da feř
mah text cam gêtînmay zeř
korpey peltûkan, çetir tawis peř
ser řiştey pey ’am, şeřbaran şeř
ferhad fanî kerd, ne pay qulley ko
boy ’etrê meyo, şewbo ne şaho
***
«feza enf û lû, teła cîm û mîm!»
şewq senden ne řûy, sîma ne řûy sîm
zerda be sedef, nadîrey nedîm
nefes boy nesîm, mer ’îsay qedîm
zenc xał şîrîn, şîrîn şîrîn xo
boy ’etrê meyo, şewbo ne şaho
***
gerden çun bilûr, sifîd sadekar
lezîze pey ḧusin padşay cebbar
dû lîmo ne text, sîneş girten bar
megřo çun fanos, şewnim wêney nar
tuřřey pay ketan, ’areq lîmo
boy ’etrê meyo, şewbo ne şaho
***
naf qutûy macûm, genc bad awerd
mełheme pey zam xestey giran derd
kemerbend çiřan, ser çiřatî herd
sewday gencî řengim kerden zerd
ketif cem sînen kemendan koko
boy ’etrê meyo, şewbo ne şaho
***
ciftê řan ne terz, mahyan çem
be wêney zimřûd, xoşminay qedem
nam şu’ley xurşîd, merziłîley şem
şîn řestaxêz, sozey da ne çem
xane gewher sen, şîrîn şîrîn xo
boy ’etrê meyo, şewbo ne şaho