mîrzam xał leyl
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
1 Xulek
1094 Dîtin
mîrzam xał leyl, mîrzam xał leyl!
weswasem kerden, nuqtey xał leyl
egrîcey pel dêz, pay desmał leyl
ebroy taq nimay, çun hîlal leyl
zeřbey zeng maran, şew ne hûnay leyl
şe’şe’ey şecer, ne řûy gonay leyl
fezay girmey çetir, mîqraz gaz leyl
xende û nezaket, ’îşwe û naz leyl
ciftê zeng ne pay ḧeytaran leyl
ziman qefesgey şamaran leyl
leban gułnar yaqûtbêz leyl
sî û dû didaney sedefřêz leyl
zenxdan fincan, qełemgîrî leyl
gerden bilûrî, şay cemşîrî leyl
sîne ayîney ’erûs şarî leyl
sewłî çinaran, sun’et karî leyl
fîroze xałan, tê nîşan leyl
lacîwerd ne dewr şemaman leyl
naf nafî ahûy tetaranî leyl
ḧuqqey nuş darûy, bîmaran leyl
telîsim dêwbend, qulley qaf leyl
setirş nekenden ce pay naf leyl
genc penhanî, qudret dadey leyl
le’il bedexşan, giranmayey leyl
be «xanaNasnava edebî» waten wêş we tufeyl kerd
gyan we payendaz xak û pay leyl kerd