lay layey «şêrko»
Li pirtûka:
Dîwanî Fayiq Bêkes
Berhema:
Fayiq Bêkes (1905-1948)
2 Xulek
1794 Dîtin
řołe, lay laye... «şêrko» lay laye
şewgar direnge boç xewt naye?
dinya kiş û mat le hemû laye
herçî dirext û deşt û çyaye
wa lejêr bałî řeşî şewaye
ne deng, ne sirwe hîçî lê naye
řołe, lay laye... «şêrko» lay laye
ya xwa şêrane bêyte nawkaye...
***
binû bexoşî heta beyanî
xewî jêr perdey pakî yezdanî
giryanî çîte, to çî ezanî?
to taze xunçey baxî jyanî...
korpey nazdar û firîştey cwanî
řołe, lay laye... «şêrko» lay laye
yaxwa şêrane bêyte naw kaye
***
pepuley sipî nawbaxî gułan
binû bebê tirs ta berî beyan
tom dawete des xuday nîgehban
êşk girî ton perîy asman
hîway dwařojî bo qewmî kurdan
řołe, lay laye... «şêrko» lay laye
yaxwa şêrane bêyte naw kaye...
***
zerdexeneket piř neş’e wek mey
giřugałeket xoştir le sed ney
awatexwazim ke zû pê bigey
beşertê ke min řenceřo nekey
řołe, lay laye «şêrko» lay laye...
yaxwa şêrane bêyte naw kaye...
***
řołe wa min tom hênaye berhem
beřencî zor û beşîrî memem
beşewnuxunî û, naxoşî û sitem
ewende le xwa temenna ekem:
weten řizgarkey le jêr barî ẍem
řołe, lay laye «şêrko» lay laye
yaxwa şêrane bêyte naw kaye...