’eybe... ’eybe
Li pirtûka:
Dîwanî Fayiq Bêkes
Berhema:
Fayiq Bêkes (1905-1948)
1 Xulek
1522 Dîtin
«... ’eybe... ’eybe» ey řefîqan małî xełk wêran eka
pyaw exate swał û sûkî, gewre sergerdan eka
wasîtey ’eybe ke da’îm qewmî kurd bê serwetin
bê me’arîf, bê senay’ tûşî sed derdyan eka
seyr ekey şexsêkî me’mûr ger wezîfey lê biřa
hîçî pê nakirê leber ’eyb, małî xoy tałan eka
na’îlacî dê beserya des le xełkî pan eka
ya kesêkî zor beserwet hat û lêy qewma, îtir
her le tirsî dengî ’eybe terkî gişt firman eka
ḧasłî bê kasbî û kar da’enîşê bê qedir
bê ’ezîyet xoy řezîlî xizim û naw yaran eka
seyrî ke em ’eybe ’eybe çende te’sîrî heye
kurdî kirdote muhacîr îşî naw şaran eka
çunke pêy ’eybe le cêy xoy îş bika qedrî eben
boye wa eřwate ẍurbet terkî kurdistan eka
besyetî em fikire pîse, ẍefłet û nustin bese
seyrî eqwamî ẍerb ken keşfî naw asman eka