ya şêx sen’anim
Li pirtûka:
Dîwanî Seydî
Berhema:
Sed (1785-1849)
1 Xulek
1186 Dîtin
ya şêx sen’anim, ya şêx sen’anim
’aşiq pey tersa, min çûn sen’anim
bê bak ce taney menaw men’anim
çûn «ye’qub» daẍdar pey may «ken’an»m
wamq pey ’uzar zułf ’enberînim
ferhad ce ḧesret xałî şîrînim
ce behram bedter min nimed poşim
guł endam senden fam çenî hoşim
mecnûnî leylim, byaban gêłim
’alem mezanan pey leylê wêłim
zedey guł cemîn wenewşe xałim
ha celaş hoşim, fîkirim, xeyałim
min çûn salkan řay ’eşqim daym
ya şêx laqeydim ce lomey laym
newaçan pî derd her min mubtelam
sed kes ha çûn min be ayey kelam
hezar kes wey tewr şêweş î bazîn
nîm be ḧeqîqet, nîm be mecazîn
ta mecaz nebo ḧeqîq nimebo
ḧeqîq bê mecaz teḧqîq nimebo
er ḧeqîqeten, er mecazîyen
diłu min be ew bexwa řazîyen
gişt ce min fêşter ḧałşan fenan
daxim her êden, her pey min menan
gird ce ham derdî min ḧaşa keran
sa xełqan beyan temaşa keran
er ’aşiq neban yekser mełław şêx
fitwa bo seydîNasnava edebî serbiřan be têx