’erze daşt bendey diłmend û řencûr
Li pirtûka:
Dîwanî Seydî
Berhema:
Sed (1785-1849)
2 Xulek
914 Dîtin
’erze daşt bendey diłmend û řencûr
seydî damî ’işq, be seydî meşhûr
ce jehrawî ’eşq şerbet çeşîde
hergîz şadî û zewq be çem nedîde
xestey peşêw ḧał pêkyay zamet
xemnak û xembar daym xem qamet!
ne camî hîcran sed hûnaw werde
terkî wefaw beyn hergîz nekerde
derd zede û herdey eḧbabî şerîf
řendî nazdaran «zułêxa»y zerîf
xatir ce «şîrîn», zerîfter ce «leyl»
yarî dił azar, kem wefay bê meyl
’erze ce mezmûn, ’erze ḧałmen
êden guł cemîn, sosen xałmen
eweł be îxlas sewgendan werde
axir şerit û beyn ta ser neberde
hergah ce řûy lutif zułfan ’enberîn
er persî eḧwał bendey kemterîn...
celat me’lûm bo sełwî xeraman
ce hîcranî to karê pêm aman...
ze’îf û zebûn ze’feran řengim
çûn neqşî dîwar daym bê dengim
şewu řo giryan dîde nimînim
be dił sya poş, qamet xemînim
ce têẍî hîcran sîne sed çakim
îftade û bê naz, xełtanî xakim
bê to zîndegîm çûn jehrî maren
dunya ne dîdem çûn şewî taren
me’lûm bo ce lat newnemam weş bo
seydîNasnava edebî ce fîraq dûrî bałay to...
ḧałş bed tewren, be ayey kelam
îxtyar be des ton, baqî «ûەالسّelam»