şîrîn xałit bam
Li pirtûka:
Dîwanî Seydî
Berhema:
Sed (1785-1849)
1 Xulek
897 Dîtin
şîrîn xałit bam, şîrîn xałit bam
fîday daney muşk şîrîn xałit bam
sergerdî leban wêney lałit bam
qurbanî beyan lîmoy kałit bam
şeyday şêwey řend perî samit bam
dêwaney řuxsar cemîn camit bam
zam zedey keman ebroy çeftit bam
ḧeyranî xeram şîrîn řeftit bam
mexmûrî dîdey mestî syat bam
bê hoşî nîgay be naz dyat bam
şîrîn ye çenden dił ne zencîren
ne ḧełqey tay zułf benden, esîren
ye takey dusax gêsûy syaten
îradet çêşen, çêş mudde’aten
er ce bendî dam mebo guşadîş
penem der mujdey wextî azadîş
wer ’ezimit kuştey diłey mecnûn xon
řezay diłî min çenî řezay ton
seydîNasnava edebî perê ’eşq çûn qeysî sanî
merdeyş weşteren ce zîndeganî