îmaretî sweydî

be gwêrey şerefname, umeray em xanedane netewey bermekîye; be řîwayetêkî tir ’eşîretî sweydî le gundî «siweyd»ewe hatûne kurdistan û em gundeş dû firsexêk lay jûrûy medîney munewwere kewtuwe. em îmarete, wekû qisey lê ekirê, zor le pêş ḧikûmetî aq qoyonlûda damezrawe. pêncem emîrî em îmarete, mîr fexreddîn buwe û birakey çote lay ḧukmidarî aq qoyonlû, ḧesen dirêj û «xan cuk» û «çipaqçur»y dirawetê. esłî merkezî îmaret, kinc bû.

le dewrî şerefxanda emîrî sweydî, silêman beg buwe û le lay ḧikûmetî ’usmanî zor beqedir bû. em îmareteş wekû ewanî tir, le dewrî ’usmanîda muddetêk dewamî kirduwe wile paşda le naw çuwe.