îmaretanî kurd

însan le mutałakirdinî eḧwałî pêşûy qewmî kurd zor baş ḧałî ebê ke em qewme, ewweł û axir, serbexoyî daxłî buwe û em ḧeqî tebî’îyey xoy ta ewaxîrî qeřnî syanzemînî hîcrî, be ferqêkî kem û zor, muḧafeze kirduwe. le qiřûnî wostada be’zê car eḧwał yarîyey dawe û le beşêkî wetenekeyda îstiqlalî xarcîşî girtote des xoy, bełam em ḧałey zor dewamî nekirduwe û şeřa’îtî řoḧîye û îctîma’îyey xoy, legeł be’zê esbabî tir, ew îstiqlaley le des senduwe û tenya serbexoyî daxłî be desewe hêştuwe û bo muḧafezekirdinî em ḧeqey, dayme legeł qway mustewlîda şeř û heray kirduwe.

ḧeyf ke derḧeq be zemanî zor konî em îstiqlalî daxłîyey, şitêkî wa nazanîn; tenya be munasebetî be’zê ḧadîsatewe, derḧeq bem îstiqlaley fîkirêk peya ekeyn. meselen le şeřî qeřałanî asûrîda legeł lollo û gotî û nayrî û le şeřî ferhadî çwaremî ḧukmidarî eşkanî legeł madî biçûkda û ... alx; le dewrî dway îslamîşda le şeř û îxtîlalî yek le dway yekî kurdistan wa ḧałî ebîn ke qewmî kurd bo ledesdanî serbexoyî dayme kuştûyetî û kujrawe. bełam çunke em ḧadîsate tarîxêkî başî bo nenûsrawe, be tebî’et derḧeq bew îmarete şeřkerane û tefsîlat û esbabî şeřekanyan, şitêkî wa nazanîn.

saḧêbî şeřefname derḧeq be eḧwałî em îmaretane şitêkî nûsîwe, bełam emeş nîhayet ta ’esrî ḧewtemî hîcrî egrê û beşî zorî le řîwayat û ḧîkayat derhênrawe û ewende emnyetî pê nakirê. legeł emeşda ta me’lûmatêkî baştir û be’esastir des ekewê, be na’îlacî ebê me’lûmatî şerefname û be’zê ’ulemay tarîx qebûł bikeyn. mu’erîx û musteşrîqî muḧterem pirofîsor mînoriskî, em îmaretaney baş tesnîf kirduwe û êmeş waman munasîb zanî ke le basî xulaseyekî tarîxîyey em îmaretaneda le ser ew şwêne biřoyn, tenya derḧeq be îmaretanî badînan û soran û baban zyatir edwêyn: