sipotnîk
Li pirtûka:
Bo Kurdistan
Berhema:
Hejar (1921-1991)
2 Xulek
1376 Dîtin
heweł mangî deskirdî sovyat hełdira, zor kes le nûseran pêyan hełgut, minîş em sikałayem legeł kirduwe:
mange çikołey sovyatî mezin
cê bêłe herçî tîj û xoş bezin
wek nawî sovêt bigere berzî
wek kimonîzim dewre de ’erzî
bigeřê bifře seyrî cîhan ke
firmêskan bisře derdan derman ke
ba lêqewmawan nawit bipirsin
xwênmijî gelan ba lêt bitirsin
řojêk řabbire be lîtił řokNava taybeta
ba zengîxoran bên beser çoka
badewe bo ser cezayr, ’uman
ba bo serkewtin nemênin guman
hêndê diłdarîy afrîqa dewe
ba bizanin řoj dê û kurte ew şewe
pêk pêkê leser xwarûy cizîre
çîdî netirsin le şêrepîre
destim damênit ey mangî řûnak
wa swêndit edem be baweřî pak
lepêş eweda biçyewe meskew
eger hîç nebê şewêk nîweşew
serêk hełêne le kurdistanim
tê bige çone małî wêranim
kangay newtanim cêy zêř û zêwim
beheştî dinya, pêdeşt û kêwim
wa dagîrkeran demyan tê nawe
her kurde mawe û beşî xurawe
bibîne çyam bûne binkey şeř
mam sam lewêwe pêtan deka geř
ey mangî sovêt boxot dezanî
cîran heqî hes leser cîranî
şerme bo êwe hênde gelî kurd
çekmey îstî’mar deyanhařê wird
natwanê bidwê kurd be zimanî xoy
humêdî tenya gelî toye û toy
êwe yarîdey dûrdestan deken
çon debê seyrî kurdistan neken?
pêşû deyangut: du’ay ’umerî
kurdî xistote naw kwêrewerî
êsta bo du’ay dałas gîraye
em zore takey latan řewaye!
biłê be sovyat kurd hawar deken
yarîyekyan biken xo řizgar deken