em çendey ke wa tenya bûm bo xom
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
632 Dîtin
em çendey ke wa tenya bûm bo xom
minîş xerîk bûm bayncan bixom
dwayî dîm ewî bayncan xore
hênd sewday zore lêy bwe be xore
şewî lê řoje, řojî lê şewe
bo mindałî xoy buwe be şewe
eger be kesê biłêy qumarbaz
goştit epçiřê be dendûk wek baz
keçî qumarî hênd le la xoşe
be bîrey coker bê mey serxoşe
bilofî poker bo em dewreye
be dewre pîşey pyawî gewreye
muḧtesîb ke xoy xwardyewe dyare
legeł serxoşa hawpyałe û yare
le kwêy bêxewe řemezan paşa
«miḧan» cař bida û bang ka le paşa
ewî řemezan ke řojû negrê
be emrî paşa wa way lê dekirê
wa řemezanîş wexte bêtewe
le hemû małê řoj ekirêtewe
be loqe û be řewt be dił û nabedił
hemûman têkřa egeyne menził