mindałan leser şeqamî qîrtaw
Li pirtûka:
Pendekanî Pîremêrd
Berhema:
Pîremêrd (1867-1950)
1 Xulek
848 Dîtin
mindałan leser şeqamî qîrtaw
xetê ekêşin pêy enêne naw
bazî tya eden be hengiłeşelê
emênêtewe ewe bo gelê
desteyekî tir ke hatne kaye
her ew yaryeye nerîtyan waye
le berewjureyş kerê emîzê
dway ew herçyekyan ke hat le řîzê
ebînî ewîş bo mîz westawe
eme be kurdî xermîzî nawe
çawlêkerîye û kirdewey kerî
xûyêkî bede û eřon le serî
wenebê zerer her boxoyan bê
hełeweře diz dênête ser dê
le gagelêk da gwêrekeyekyan
kewte şînayî û xwardî beryan
hemû gagelî êwe eglênê
mîrî cezakey le şwan estênê
dest be kiławî xotewe bigre
řeşebayêkî sexte lem dewre
ba wicûd êsta serřûtî bawe
boye be edeb wa bê kiławe