be lay derdewe
Li pirtûka:
Dîwanî Mestûre
Berhema:
Mestûre (1804-1848)
2 Xulek
1491 Dîtin
be lay derdewe ...
emřo keftebîm be lay derdewe
namey newcestem taze kerdewe
satê zyater xwabim berdewe
cew dima ne řûy mîhir û wefawe
horêzam ne ca wêsam we pawe
te’zîmî namey mişk famim kerd
mełhem bî pey zam, dewa bî pey derd
qesem bew xuday hefit asman bo
sewgend be yektay ḧeq ḧałzan bo
qesem tebarek nûrî eḧmed bo
qesemim be tac şahî sermed bo
qesemim be mîhir ’alem ara bo
qesemim be ḧeq mîhir û wefa bo
qesemim be mah, sewgend be perwîn
qesem be weḧdet rib al’almînErebî
be gyanî ferzend wêney mahî min
ye’nî diłaray ẍułam şahî min
be mergî ferzend çûn gyanim qesem
xanim, we somay çawanim qesem
be----/---Teksta ne aşkira qesem
be sefay sefwet yekřengî qesem
be nûrî zemîr derwêşan qesem
be sozî derûn diłřêşan qesem
be mîhrî qelbî çenî tom qesem
be gyanî ’ezîz yarî nom qesem
nîyen cey dinya pey diłey tengim
şadî ẍeyr ce to, ẍeyr ce serhengim
herdûtan mayey xoşîy ḧałmen
herdûtan salar dûre małmen
herdûtan diłdar ẍem endêşmen
herdûtan merhem diłey řêşmen
herdû ’ezîzter ce ferzendimen
yekê şekeren, yekê qendimen
baqî walsilamErebî ey nûrî dîdem
bînayî çawan hem berguzîdem
mubarekit bo be şadmanî
pey tefrîḧî dam têda bwanî