’ezim cextimen
Li pirtûka:
Dîwanî Mestûre
Berhema:
Mestûre (1804-1848)
2 Xulek
1038 Dîtin
’ezim cextimen ...
emcar we taqî ’ezim cextimen
hîcranit we dił bełay sextimen
ye gişt teqazay şûmîy bextimen
’ezmî şikargay kosałanNava taybetmen
bełam ce dûrît peşêw ḧałmen
bê to çon gêłûn new deşt û derda?
bê to çon gułan kerûn we serda?
cew mekan ahûy wêne çaw mestan
beran mekeran destan be destan
bê to er meyl kem be şikarşan
ḧesretmend manû we dîdarşan
kebkî kosarî cew seḧra û koda
qehqeh mewano new şew û řoda
er seyrşan bê to ser we bergim bo
î sefer sefer lway mergim bo
coq coq qumrîyan new mekaneda
daym meşẍûłen ne seyraneda
bebê to eger ne dił bo şewqiş
ne gerdenim bo ew sya tewqiş
new wadîy diłber bułbuł mewano
seḧerge be naz dîdar menmano
eger be bê to meyl kerû pêşan
ne dîde kor bam, destim bikêşan
cew mawa pol pol hezar destanen
řesmişan daym wêney mestanen
westanşan --Teksta ne aşkira er bê to meyl kem
dûr ce to xatir ne zûxaw keyl kem
îse min lwam bîyen we taqî
wextê ter peyman nemenden baqî
dîdarî axir binmanîm be yek
kamî nakamî bistanîm ce yek
bełke ’umirman wefa nekero
min maçûn, bełam xuda nekero
baqî û alsilamErebî, nûrî dîdey min
diłbend û diłdar, berguzîdey min