xesrew weharen
Li pirtûka:
Dîwanî Mestûre
Berhema:
Mestûre (1804-1848)
10 Xulek
1991 Dîtin
xesrew weharen ...
kor bam ce dîde fesłî weharen
mewsîmî cilûs guł û gułzaren
wadey temaşay seyr û şikaren
ye wextî tefrîḧ qelb û demaẍen
fesłî arezûy gułgeşt û baẍen
qehqehey kebken ne ser kiławan
fezay çemenen, şaxey şetawan
ewwełî xeymey elwanî gułen
îbtîday şořş nałey bułbułen
seḧra û baẍ xełat řengařeng poşan
’endelîb badey ’eşqî guł noşan
ẍunçegułî surx ne seḧnî çemen
we xendey ẍurûr waz kerden dehen
dîdey nergisan piř ce xumaren
zînet aray bezim xanî weharen
muselsel gêsûy piř ce’dî sunbuł
lerzanen be naz perê damî dił
şewbo kohsaran kerden mu’etter
sef pêkan ne baẍ supay sîsenber
her yek we řengê, ber aman we ber
xudsazî kerden pey temaşa û seyr
benefşe û ře’na û zêba û nesteren
lale û şeqayq çenêw yasemen
her yek bew nekhet fereḧ efzawe
bew şêwey řewneq ’alem arawe
îbtiday culûs řeng û boşanen
emma peşêwî dûrîy toşanen
çetrî çinaran bezmî çemenen
xeymey bidaxen, cîlwey semenen
nehałî qamet serwan lerzanen
nimûney bałay bała berzanen
zumředgon kerden bergî dirextan
pey korîy dîdey qełaxî řextan
er çemen, wer baẍ, wer seḧra û deşten
maçî nimûney řewzey beheşten
bułbuł be awaz ẍemzeday dełew
mewano we ’eşq we dîdar gułew
qumrî weş demaẍ fesłî serwanen
çinar faxîteş pey newa xwanen
bey tewr û ayn bezmî weharen
wîsałî murẍan kebik û hezaren
emma be gyanit -şay lał kemerim-
cey demda bê to wêm zam xeterm
kor bam ce dîde, şay fereydûn feř
îmsał kê kero seyrî deşt û der?
kê meşẍûł we seyr koh û seḧra bo?
kê seraperdey ’eyşiş we pa bo?
nałey neway kê meyo ne baxan?
kê kero ne seḧin çemen çiraxan?
kê noşo ne pay dirextî guł mey?
kê goş bidero be ahengî ney?
pey temaşay baẍ kê bikero ’ezim?
ne xesrew abadCih kê bigêřo bezim
mutrîb perê kê binwazo sazan?
kê bidero fîkir be řêze řazan?
gułanî behar kê bikero bo?
hana we bextim, wey we yanem řo?
nałey bezmî kê goş bikero keř?
kê nîşo ne toy xełwetî menzer?
kê ne fîrdewsî supa û sanş bo?
kê zemzemey ’eyş ne dewranş bo?
kê bezim şadî ne karêzCihş bo?
kê heway gułgeşt baweřêzCihş bo?
umêd we ḧezret danay bêçûn bo
perê nakamît dinya nigûn bo
bazařî zînet behar betał bo
’alem bê xesrew we xem çepał bo
řîşey fîrdusî ber beyo ce aw
henî kes seyriş nekero be çaw
xesrew abadCiht, şay deng dilêran
ya şa be yekser xapûr bo wêran
nawero semer take eşcarş
newîno we çem kesê asarş
dimay cewanîy xesrew perwêzNava taybet
ya şa sewz nebo seḧray baweřêzNava taybet
çun bextim tar bo ’alem řoj û şew
nenîşo kes şad ne toy şehir new
awyerNava taybet temam hem kanî şefaNava taybet
seyr û sefaşan bibo we cefa
ce dimay xesrew, şay kemerlałan
cey wehar kesê be wêney sałan
er meyl we seyrî guł û gułzar bo
her bergî gułê ne dîdeş xar bo
xesrewm bê to xełwet xiraw bo
pamałî cefay bextî syaw bo
têşa nenîşo kesê be diłşad
bibo be neyko gerdiş bero bad
dimay nakamîy xesrewî lał poş
kes bade ce cam ’eyş nekero noş
fîdat bam, ye ’eyd tecdîdî sałen
ẍułam û kenîz derûn zûxałen
horêze bew feř ’alem arawe
bezmî ’eydit bo be dił geşawe
nałey topxane, şillîkî nîzam
seday zenbûrek şay keyxesrew fam
ba berz bo ne ’am çun sałanî pêş
be korîy duşmin biray bed endêş
mestûreNasnava edebî kor bay, xeyałit xamen
xesrewt destax we bendî damen
ne cay ’eyş û noş sirûrî ’eyden
new qebrî tarîk pabendî qeyden
ne desřesî seyr ne şikarşen
ne firsetî geşt řûy weharşen
destaxen new qebir tarîkî tengida
to pey wêt bider her ser we sengida
be diłey piř soz eşk efşanî ker
zarî ne tezwîr dinyay fanî ker
waçe: xesrewm horêze ne xaw
ye çe xawê bî? dîdem bo lêław
herçend melałûn bêdarît nîyen
ce mestîy ey cam hoşyarît nîyen
serê hor dare şay wefadaran
fikirê ker we bext î syaçaran
be tacit qesem, zar û zebûnen
gîrodey mîḧnet sipîhir dûnen
daym zarî û şîn waweylaşanen
xesrew çun şîrîn waweylaşanen
ew destey zelîl syaset kêşan
xerîkin çenî bedbextî wêşan
xidêşan daym newḧe û matemen
şadî û ’eyşişan bedeł we ẍemen
çenî ah û eşk gird bîn we hamřaz
kor bam, henî kê mekêşoşan naz?
xusûsen xwaher sitemdîdey to
sułtanî ’ezîz berguzîdey to
bew tewr -Teksta ne aşkira perêt şîyen -Teksta ne aşkira we şeyn
çun zeyneb ce dax nakamîy ḧiseyn
da’im alimdamErebî nałe û zarîşen
pey dûrîy xesrew bê qerarîşen
maço: xesrewm goş der we şînim
be bêkesîy to xatir xemînim
pełasî mîḧnet bê tom ne doşen
pey to dîde û dił dîsan ne coşen
bê to serapam sya sewaden
bê to şadî û zewq ce lam berbaden
fîdat bam, kesim, hamřazî řazim
îtir kê çun to bikêşo nazim?
kê wêney xesrew -şay fereydûn xo
diłdarîm medo xaster ce babo?
pey çî be nakam -somay çawanim
xamoş kerdî şem’ yaney bawanim?
bezeyît nama wey meḧzûneda?
bey xwaherzadî dił piř ne hûneda?
bey tewre ne sebir xurd û xawşen
nałey dyarîy bê ḧisawşen
minîç î bedbext sya sitare
ẍemzedey meḧzûn zarî şûm çare
bew şa ke î nerd be bextî to şend
nehałî ḧeyat xesrewît horkend
da’im alawqatErebî şahim, řořomen
ẍussey nakamîy şay xesrew xomen
pey newḧet er leyl, eger neharen
tûtîy meqalim her ne guftaren
mewaçû: xesrew, keyxesrewm řo
saḧêbî talar, qesir û şikom řo
bewrî bê endêş kurdistanim řo
hujebrî bêşey erdełanim řo
gewherî sedef ’eqił û hoşim řo
xesrewî lałbexiş hem lałpoşim řo
nehałî newřes newcewanim řo
walîy wałacah xesrew xanim řo
cewanî nakam namuradim řo
ba fehim û şu’ûr ’edil û dadim řo
çun řostemNava taybet saḧêb zor û zatim řo
newşîrwanNava taybet tewr, cemNava taybet sîfatim řo
syaweşNava taybety wêł kam neyawam řo
şêrî bê endêş řojî dawam řo
mewsûf be sîfat pesendîdem řo
ce cewanî û ’umir xeyr nedîdem řo
xesrew, ta qyam řestaxêz mebo
pey cewanîy to her mewaçûn: řo
wêney derdedar, er řo er şewen
nałey derûnim perê xesrewen
mewaçûn: hey dad bêdadim xesrew
řenc we bad wêney ferhadNava taybetm xesrew
serdarî zî cah ’ezîzim xesrew
ten xeste çun şah perwêzNava taybetm xesrew
şay behramî gûřNava taybet piř zorim xesrew
îse gîrî dam, ne gořim xesrew
salarî supay êranim xesrew
şêrî şêr efgen şêranim xesrew
nehengî deryay kemałim xesrew
xurşîdî sipîhir celalim xesrew
saḧêbî kulah ferengîm xesrew
sirûrî hengam diłtengîm xesrew
mîhrî şehenşay zemanem xesrew
walîy bê bedeł yeganem xesrew
cewanî taze řesîdem xesrew
bînayîy be řast dû dîdem xesrew
çenîy derd û ẍem şerîkim xesrew
destaxî mezar tarîkim xesrew
bê mûnîs û yar yawerim xesrew
zîndanîy ye qîr bêdarim xesrew
sa xom be qurban tarîkîy yanet
ew maway deycûr çoł û wêranet
ce zuban lał bam wêney neqşî seng
pey çî cat gêrten to ne qewrî teng?
mer fełek kerden destaxt bey tewr
byen we yarit sengî syay qewr
nimekerî yad to ce yaranit
xatir peşêwan meynetbaranit
yaxo xanî merg zîndanît kerden?
ya wefa û ’ehd ce yadit berden?
ya meylî aman xełwetit nîyen?
ya ce ẍussey wêt ne wîrit nîyen?
be gyanit xesrew, kam nedîdey dewr
destaxî zencîr gerdûnî piř cewr
pey to ne xełwet, ne baẍ, ne wiłat
ne top, ne nîzam, ne san û supat
mutłeqa hîç kam be wêney caran
ce dimay serdar, sefa nedaran
destey ẍułaman saḧêb îxlast
sedaqet karan fedewîy xast
megêłan wêł wêł bê aẍe û bê yar
mat û sergerdan zelîl û zigar
heryek we derdê giriftar bîyen
serřişitey karş ce destiş şîyen
menałan ne say çerxî wajgûn
ce bê aẍeyî we diłey piř hûn
şew û řo zarî û şînen karşan
waweylayî sext pey serdarşan
cey yaran sê kes wefa kerdişan
ce hem qetaran sebeq berdişan:
«mustewfî başî» û «xelîl sułtan»t,
«mîrza bêg» bendey îxlas nîşanit
elḧeq goy wefa ce meydan berden
şertî bendegî be ca awerden
her yek gyan û ’umir kerdişan tufeyl
aman we xidmet dił ce îxlas keyl
dimay koçî xeyr xesrewî sanî
horkendişan dił ce dinyay fanî
her sê wêşan kerd qoçî qurbanît
aman bew mawa pey can fişanît
aferîn lêşan nimek şinas bîn
ce seyrî dinyay piř mekir heras bîn
ce dimay xesrew, şay şikoh û feř
pey xidmetiş kes nebesten kemer
ewanîç nakam be dił tengewe
ser nyan we say syasengewe
ce mał û dewłet weşî dest kêşan
şîn bîn we mûnîs xesrewî wêşan
kułah ferengî bê saḧêb menden
xem řîşey şadîş ce bêx horkenden
mezaro pey cext syay wêş ne lar
nimeyoş ne goş seday mosîqar
xesrewît bê sebir aram û xewen
peşêwîş ce dax mergî xesrewen
kîtabxanet çoł bê zewq û şewqen
bêdemaẍîy ew ce gişt mafewqen
xełwet û derûn er bałaxanen
ce dimay xesrew maçî wêranen
lał bam zemzemey caranit nîyen
bîsat û nîşat yaranit nîyen
seday kêşkiçî subiḧ û êwarit
xamoşen ne dewr qesir û telarit
ya şa, kurdistan yekser dimay to
řîşeş ber beyo çun xakî neyko
bwaroş pêda berqê ney wehar
henî kesê lêş newîno asar
wêney demawendNava taybet melûl bo ce tem
kes seyr û sefaş newîno we çem
baqî ta ew řo ’umrî ber cam bo
şerit bo pey xesrew her waweylam bo
ta xalq gîro dîwanî meḧşer
şînî mestûreNasnava edebî ce şîrîn bedter