êwarey payîz

le êwaranî payîza
serim ebê be kolare û
be destî sipîy řoḧmewe řanawestê
dezûy xeyałî ser exem
eřwa...eřwa
heta dûrîy bała eka
dûrîy nêwan min û dinyay xewnekanit.
ke dêtewe
tozî ẍurbetî girtuwe û
qijekanim ałozawin
ke dêtewe...
mandû...mandû
dirzêkî qûłî tê buwe.
gwê heł’exem
seyrî dinyay derûnî ekem.
dengî qaqayek dête gwêm
pêdekenê û kenînekey bonî tenyayî girtuwe.
bew asmaney wêney hetaw
le ałbomî yadekanya eparêzê û
carnecarê seyrî serupelkey sipî eka
le bałaya
pê’ekenê û
dengî qaqay têkeławî nałey cudayî ebêt û
pepûlekan têy e’ałên
bonî ẍurbet û tenyayî lê eken û
bo jûre here berzekey
mestûre xanmî eben.
le êwaranî payîza
serim ebê be kolare û
be destî sipîy řoḧmewe
řanawestê.