etom dewê!

Li pirtûka:
Gunah
Berhema:
Elî Ḧesenyanî (1939-1992)
 2 Xulek  1641 Dîtin
etom dewê!
le nêw gułanî cwanî ser zewî,
le nêw melanî kêwî û kewî,
le nêw sitêrekanî asman,
le nêw dyardekanî bûn û man,
 
etom dewê...
etom dewê ke aşnay minî!
etom dewê ke mendî, hêmnî!
 
eto le awî kanîy ber binar,
le larelarî gyawgołî ber şiney behar,
le awrîng,
le hewełîn gizîng,
cwantirî...
 
eto le sirte sirtî cêjwan,
le dîmenî şew û giř û meř û şwan,
 
le golî mend,
le samřend,
le çîmen û gya û zemend,
le bonî hełz û ping û gyabend,
be hestim aşnatrî...
 
etom dewê!
eto kiçî xuday cwanî û wefay!
eto be derdim aşnay!
 
eto hewênî şê’rekanmî!
jyanmî,
eto ser û binî bize û wite û dwanmî!
ke waye destî min le destî xot gire!
 
bihêłe tan û poy nîgay min û bizey cwanî to,
bête cê hesanewey xeyałî berz û nesrewm...
biła be sêḧrî zemzemey witey cwan û xemřewên,
demêkî dabmirkê espî tořî meylî seřřewm...
 
:cwantirîn gułî xuda!
biła be hêzî bêbřanewey ewîn,
le kêwî xem weser kewîn...
le mêrgî ewpeřî sinûrî xem,
ne zongeye, ne zor geye,
beharî bê xezane çaweřwanî êmeye...