yaran řay tewaf
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
778 Dîtin
yaran řay tewaf ...
řoyê dił kerdiş, ’ezmî řay tewaf
noşa camî ’eyş, gîła qaf ta qaf
pey ke’bey meqsûd, řewzey nûrî saf
çend gîła we ko, her şew bê yawer
barkêşî meynet, piř ce sewda ser
çend ce kilîsa, çend ce xaneqah
çend ce meyxaney mestanî mey xah
wêş muceřřed kerd, pey meqsûdî xeyr
ta hefit tebeqey zemîn kerdiş seyr
çend be fîkir wêney hey’etî perwer
gêła hefit gerdûn, gerdan seraser
herçî mewcûd bê ne kanî ’edem
diłey miradco, lêş nya qedem
axir yend gêła, nedîş ce cayê
peyda bo pey dîn, meqsûdiş řayê
hana be cestey xestey keftey wêş
şew ta řo ce ’îşq, ten nesreftey wêş
be sîney piř derd, be diłey piř hûn
be fikirî temam, ser berd ne derûn
sa ke dił zanaş, mayeş ce çêşen
coyay canfîday qîblegay wêşen