ha byen peyda
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
496 Dîtin
ha, byen peyda ...
nîşaney wehar, ha, byen peyda
bułbuł mewano bawazî şeyda
diłey ’aşiqan medo be weyda
her murẍî seḧer neẍmesazêwen
pey derdedaran, diłnewazêwen
ce sazî mînqar, seday derûn coş
xeftey bê derdan mawero be hoş
jerej mewano neway bê xemî
arezûş yaren, perê hamdemî
gułan be sed řeng, ber aman ce xak
’etir ’enberîn xunçey dehen çak
her yek mayey ’etir ’etarê daro
nîşaney gonay tetarê daro
’eceb fesłêwen, fesłî weharan
pey řewneqî seyr, temaşay yaran