wehar yawawe
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
713 Dîtin
wehar yawawe ...
ferşî sewz neřûy çemen yawawe
bad pêçya we bejin xunçey sawawe
xunçey sawa, wêş pel şikawawe
ceła da cemîn, xałî newrozan
çûn saḧêb cemał nyen ce hozan
wêney sipî lał, qetrey zeř’efşan
ca berden ce pêç zułfî mehweşan
sunbułan newer zułf çenber nyan
dewr besten ne dewr, xał ’enber nyan
fesłêwen, êmew bułbułan herşew
sed firsex dûr bîm, ce menziłgay ew
ewan be nałîn, min be sozî zar
kerdêman cestey sya seng bêdar
ta axir çon bo ser’encamman
merden, ya wesłî dilber, kamman?