mewlam bê qerar
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
748 Dîtin
mewlam bê qerar ...
sipî tafê dîm, bê ḧed bê qerar
cemay berzewe, wêş mewzo bewar
ten parepare mebo sed hezar
dîsan ce gułda mexroşêwewe
çenî derdedar mecoşêwewe
persam sipî taf mudam xeraman
şêt û şeyday ’eşq, bê ser û saman
ye ce ’eşqî kên, pêse řewanî
bê xord û bê xaw nîmeşewanî
ye çûn ce gyanit gewher mesazî
pey nîsarî kê awat mewazî?
taf lala bezar, wêş da be kemer
ten parepare dûd berşîş ne ser
watiş ye xeylên ce yar biřyanan
cew pey pey wesiłş bê ser û panan
yende mesazû ce ten mirwarî
ta nepay dosim, kerû nîsarî
ḧerfiş řêzna te’cîl be dewan
serda be sengida, řahî bî řewan
mewlam herkesê talîb be yar bo
şerten wêney taf bê îxtyar bo