şîrîn beynit best
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
671 Dîtin
şîrîn beynit best ...
mer yadit meyo, ewřo beynit best?
destî řast nyay banî dîdey mest
tebesumit kerd, lîwî le’ilit gest
min bew şerit û beyn bestey her caran
tom kerd we senem, wêm çûn řehbanan
mezhebî mîllet mesîḧay meryem
derdim, der sa’et, awerdim behem
zahîdan zanan, zahîr bî ne ’am
şîrîn bendeyoş senden pey ẍułam
îse ye çêşen? mujet şeř daro
ce çaret ẍezeb, ’eza mewaro
bêzarît wasten, cey kemter bende
ẍułamî ce wêt kerden řewende
ḧeyfim her îden, ḧûrî ḧûrleqa
şerit daran wanan to we bê beqa