sitarey seḧer
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
517 Dîtin
sitarey seḧer ...
sitarey şerîf, weqtî sub seḧer
weşłe pêt her yend ce burc mey weber
şołet astaney kesê medo ser
her řo temamen weqtî subiḧ dem
ew zêd û mawa mewînî be çem
nek be cestey min, sitare sya
dûrkeftey zamen, ce yaran cya
ye xeylê wexten şełła nimanû
zedey hîcranim hîç nimezanû
weşłe pêt şerîf řewşen sitare
çûn min hîcranit nyen ne çare