saqî nałey ney
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
863 Dîtin
saqî nałey ney ...
nałem zigaren, wêney nałey ney
cergim kebaben, řeng zayf çûn bey
pey çêş? pey noşay cur’ey camî mey
ba wes binało dił be cefay zam
ba seringûn bo suraḧî ne cam
mey guł xunçe řeng, ḧemra çûn şefeq
saqî bê mey mest, cemîn piř ’ereq
pêm dere camê wêney camî mey
ta mer sakin bo dił ce barî xem
camê mey be dest, noşanoşim bo
qehqehey mîna ba ne goşim bo
binoşû camê pêm yawo mestî
bêzar bo ce dîn dinya perestî
ba piř bo ce mey suraḧî û camim
çendê bigêło dinya be kamim