zeřgûn kerdewe
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
559 Dîtin
zeřgûn kerdewe ...
newwehar zemîn zeřgûn kerdewe
sozey dar kêşa ser ce perdewe
şew be şewnim, xaw dîdeş berdewe
xêza barxaney badî sebayî
kerdewe biney taqe guşayî
çemen bê meclîs gułanî weş bo
tund kerd tenafan, horda çetrî no
daxił meclîsan mestî camî mey
ferma bułbułan neway sazî, ney
kosar nimana, řengê zeřgûnî
şeqayq mey kerd ne camî hûnî
çinûr demax berz, sosen xêmeko
saqî şeqayq, şew şîfay şewbo
beřezayê hen be řûy tawêran
taryan çûn tarî zułf xawêran
bełê pey kesê ne dił neboş xar
buyaro be zewq sermestî wehar
nek çûn min xerîk derdî bê derman
ten tawyay, taw ayrî zaman
minîş cefa û cewr ce dûrî yaran
řêza ce dîdem esrîn çûn waran