řoyê supay kufir dîm ne dewrî dîn
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
517 Dîtin
řoyê supay kufir dîm ne dewrî dîn
dił der lad kafir, pişt kerd ne yeqîn
zunnar wist ne doş naqûs gêrit be dest
şî ne xakpay pîrî mey perest
camê ce şerab ’eşqî bit noş kerd
ḧerfî dîn ce lewḧ dił feramoş kerd
řûm kerd ne řûy dił xeylêm kerd mena
kê berden wesay bit perest pena?
pêse bê perwa wêney perwane
wêt medey ne şewq seyrî bitxane?
dił wat bew kufre ne dîn besten dewr
min bêzarenan ce dînit bey tewr
sub ce bitxane derûn piř ce coş
şêwey şîrînî badey bade noş
xasteren ce dîn řya kerdey to
řencî axir, hîç ber newerdey to