diłe zamî no
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
929 Dîtin
diłe zamî no ...
zayf û zebûn, zedey zamî no
çend tîrî karît ne dił girten ko
ax pey be xitî min, diłe dax pey to
min zar û xemnak, zedey tîrî xar
pêkyay peykan, tayfey kuffar
derûn sya dax sûçyay xeman
bê zewq û kem çax xarî siteman
kerdat weser meşq zemaney bê şo
ax pey bextî min, diłe dax pey to
firem wat diłe, mirweten aman
bo. mewzem ne gêc beḧrî bê saman.
her yend tawî ’îşq ne derûn xiřyay
ta we şołey, şem’ çiraxan giřyay
ten bî we zuxał sya siftey ko
ax pey bextî min, diłe dax pey to
ayrî dûrît ser kerden ne dił
cergem çûn kebab pêkyan we çił
nazaran be xeşim ẍezeb gêrten lêm
bê wermî şewan, byen we xidêm
ce tawî zułfan syay ’enber bo
ax pey bextî min, diłe dax pey to
ḧekîman meyan mewînan sizam
şadet maweran we siftey syam
deyse bigêre dest be zamewe
be zamî xedeng newnemamewe
her yend kêşe ah, şewan ta be řo
ax pey bextî min, diłe dax pey to