dił zemînewe
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
744 Dîtin
dił zemînewe ...
mefřyo medo wêş zemînewe
çûn tîflan maço, bew girînewe
ew xałem mebo, bew cemînewe
xakî řûy zemîn mekero be ko
mekeroş be ser heta metawo
be zar menało, menało be zar
zar zar wêney murẍ zedey hîcran bar
min watim diłe qince qince bay
be nîşî ełmas jaraw řence bay
xałî be řuxsar ziłêxa çaren
mangî řûy zemîn, neqşî sitaren
kê medo we dest çûn to gedayê?
ce geda bedter bê řewye û řayê
ebleh, mekere xeyałanî xam
nimeyot we dest xałî dił’aram
wêt meder we dest xurde xet û xał
xeyał mekerot be kogay zuxał