çiraẍim be çîn
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
777 Dîtin
çiraẍim be çîn...
er çînî zułifit bidew be maçîn
er yek tay zułifit bidew be gird çîn
kafir bu azîz ber bişu ce dîn
er qewsî ebrot bidew be ḧîcaz
er mujey dîdet bidew be şîraz
er beynit bidew be xeta û xuten
er řêzey řazit bidew be ermen
er lebî lałit bidew be kişmîr
er bidew be hînd sîlsîley zincîr
er sîbî zenex guł xunçey dehan
bidewş be yekser temamî cîhan
er pa û puzit bidew be ge nice
er bidew bemîsir ew dest û pence
er bejnî bałat bidew be êran
sed hezar keřet yanem bo wêran
seraser ’umirim gird şo be tałan
cagem nebeř bo nepay ewdałan
pey çêş celay min bała zeřistûn
tenya to henî ne řûy dinyay dûn.