çiraẍ da carê, bo we xawim da
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1001 Dîtin
çiraẍ da carê, bo we xawim da
pa binyer weban her dû çawim da
mewaçe mujet tîjteren ce xar
pay guł endamim medero azar
min pey mujey xar ye xeylê wexten
be cařû karî ne řay tom cexten
şew û řo ne řat perê î sewda
yek yek byenî şikestey mewda
bo we bê endêş pa binye lêşan
bidye bînayî hîç menden têşan
eger têşan bo ẍeyr ce hûn fêşter
hîcranit fêşter lêş bido nêşter
seḧer mezanî, bała zeř sitûn
pat wêney henar jyabo be hûn