terzî bîd be tar
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1145 Dîtin
terzî bîd be tar...
terzî bîd çûn zułf melerzo be tar
be heway pirşing tafî bê qerar
nepay ba lûl ko sext werinsar
wełg bîd zayf, terz tûł zebûn
zebûnter ce terz tay kiłafî tûn
melerzo be bad serdî sebayî
neřûy gułî sewz safî mînayî
persam er hey bîd, dest nîşanî dest
turk teř endam, say sehend peywest
çêşen dirextan řûşan ne bałan
to ser serawêz, řûy zemîn małan?
bîd ama cewab be zubanî ḧał
çûn persat ḧałim, bwaçûn hewał
minîç newnemam nazk ber aw bîm
serterzî lerzan tafî seraw bîm
naga pey teqdîr dîde syawê
xaw alûd subiḧ xêza ce xawê
amane sayem mexseł da xałan
kokoy xermenî xeman da tałan
cew sawe coyay ew new tarenan
ço bî serawêz bê qerarenan