ecel dawim bo
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1449 Dîtin
ecel dawim bo ...
ta key min çenî dewran dawim bo?
ta key şew bê yar, şîrîn xawim bo?
bo ba pat weban herdû çawim bo
er sed pejaran gyanim mestanan
wes nyen be nam zîndem mewanan
sipay ẍem bey tewr zor girten wenem
her satê mergê menmano penem
senden nîmeyê, ewîç hîcranan
gerekşan be zor çenem bistanan
newaçî pey çêş min çîm nezanan
îse mwaçu ecel ha hanan?
gyanê ke berşîy be yek dyanê
ce ko bawerûn perêt, gyanê?
şemał şo waçe, bew ayrnake
bew dił siftey xem, sîne çak çake
er sed sał suço wen dar ce şaxan
çê perwa daro ’er’er ce baxan