laye layey daykî kutek
Li pirtûka:
Baxçey Kurdistan
Berhema:
Qani (1898-1965)
2 Xulek
2557 Dîtin
hey laye laye, řołe lay laye
le kizî kurdan dengim dernaye
řołey xoşewîst, ciger goşekem
merhemî zamî be peroşekem
wek to perwerdey damênî minî
bêçuwe şêrekey xawênî minî
minîş le baweş daykê tira bûm
be şîrî řastî be xêw kirabûm
min řaspardey bab û bapîrim
fermûdey ewan her wa le bîrim
ba bot beyan kem wesêtî ewan
bo çi ẍayeyek minyan pê geyan
minyan pê geyan bo xizmetî to
bo be xêw kirdin, bo zeḧmetî to
hey laye laye, řołe lay laye
şałła lay layey gişt kes wa bwaye
***
řołe! em şîre, şîrî şêrane
şîrey nî’metî xakî kurdane
řołe! bêşkeket darî qezwane
nemamî mendey baxî babane
benî desrazet xurîy şekî kał
dabestey kwêstan, çiragay ser yał
awî xwardinewet, kanî «ceyran»e
çêştit birincî deştî «małwan»e
hey laye laye, řołe lay laye
xozge toy nîfaq hergîz nebwaye
***
şîre řastekem nexoy be diro!
serserî nebî! nemkey řencê řo!
hergîz namûst be pare nedey!
aweł kurdî xot aware nekey!
***
řołe min boye to bexêw ekem
řencî damawît legeła edem
toş xizmetkar bî bo gel û hozit
qet qusûr nekey bo berzî kozit
hey laye laye, řołe lay laye
mîlletî bê xêw, řû le bełaye
***
řołe! xayen bî be aw û xakit
dek ecel bigrê damên û çakit
to bexêw nakem bo xew û xwardin
ya wek hêndê kes bo çaw şoř kirdin
kuřim! netbîstuwe, meşûrtir le gişt?
«ser bo ser biřîn, nek bo serzenişt»
***
řołe! her katê xwênit biřjê
be gulley dujmin mêşkit bipjê
řencim ḧełałit şîrim noşt bê
kizî kurdistan feramoşt bê
hey laye laye, řołe lay laye
komełî nezan, wek ka û baye