zuleyxam çînş

Li pirtûka:
Dîwanî Seyd Yaqoy Mayîdeşt
Berhema:
Seyd Yaqoy Mayîdeşt (1808-1881)
 2 Xulek  515 Dîtin
zuleyxam çînş ...
çîn çîn û paçîn leban çînş
hey hey cew ḧeyan xeyat çînş
beḧ beḧ cew şu’a’ şewq cebînş
eḧsen cew bałay neyşekerînş
aferîn cew sun’ ḧusin aferînş
řořo cew gonay lałebeharî
wey wey cew lwan perdey gułnarî
xas xas cew xałan lacewerdikarî
fuẍan cew fincan peř ce mirwarî
firya cew xendey şekerqerînş
aferîn cew sun’ ḧusin aferînş
wey wey cew girdîy fincan zinciş
xał exter’asa nesben ne kunciş
bêdad cew zerdîy zewc turenciş
pinhan ne ḧełqey tuẍray girinciş
xoza wew siře ha we serînş
aferîn cew sun’ ḧusin aferînş
eł’eman cew tîr dewran dîdeş
çûn tîr û terkiş, terk maçîn weş
tebarek cwanf qełem kişêdeş
ḧicab dîde surme řejîdeş
heyhat cew keman her we kemînş
aferîn cew sun’ ḧusin aferînş
eman cew baftey tuẍray dû hefteş
’eqreban ne der dû hefte xefteş
waweyla cew qews wehemdařeftiş
ne ser text ’eyn ahwan keftiş
hîç ders nexwenden hêmay peřçînş
aferîn cew sun’ ḧusin aferînş
dexîl xew mujgan cerg diłdoziş
wew berq sîmay seḧer’efroziş
wew tuřey maran zehakî toziş
wew şułey fam şewane û řoziş
çiman ce nuqrey xamen serînş
aferîn cew sun’ ḧusin aferînş
etwarş mer tewr şîrîn ermen
wey tewr her eywan xisrewş kemen
ne wext seyran ne sara û demen
famdaran matin, nûren? ya temen?
ce şewq şu’a’ şułey cebînş
aferîn cew sun’ ḧusin aferînş
wew berzî bałaş, xełayq ce dûr
maçan bedrêwen řejîden ce nûr
wew saq sîmîn serpence bilor
me tawus ne miłk eywan cay ḧûr
sey yaqoNasnava edebî pey ew nemenden dînş
aferîn cew sun’ ḧusin aferînş