beytî ’elî ’aşiq

meclîsî aşqan gîrawe
saqî lenêw řawestawe
pyałey ’îşq noş kirawe
«bexêr hatî perîzade!
bexêr hatî!
beser çawî de min hatî
be çîm zanî ke to hatî?
be dengî toq û xirxałan»
«’elî ’aşiq! eger ’îşqit zubanî bê
sed car ’emirit zû fanî bê»
ḧeyfe îxlas penhanî bê
melazade bexêr hatî!
mutrîb! lê de bînay sazit
bextit sûtê le bo nazit
cûtê saqî ser bezêřn
mey le meyxanan degêřn
aşqan le dîn werdegêřn
qurbanit bim ey bay wade
tara leser leylim lade
be destûrî ḧakmizade
mecnûn bo yekê derdedar bû
be tîrî îşq giriftar bû
çunke leylê wefadar bû
’ezîzî min bexêr hatî!
mecnûnekey le kêwanim
daym dił piř le hîcranim
bo xałî leyl perîşanim
xozgem be ferhadî çînî
xerîke le seng taşînî
ewîş bo îşqî şîrînî
qurbanit bim şemał were
ew kaẍezem le bo bere
bîde be destî dilbere
saqîm dewê şerab bênê
’eksî xoy têda binwênê
înalîllay lê bixiwênê
bew çawey gyanim destênê.