kake mîr û kake şêx
kake mîr û kake şêx aẍay mergeyan bûn. meyteryan bo wiłaẍî xoyan qet nedegirt. debû jinî ře’yetan bê tewîley bimałê, espan aw bida, ka û coyan bidatê. eger xelas debû biçêtewe, deyangirt derkeyan lê degirt deyanga û deyannardewe. jin û kiçyan hîç neyeşt.
heyder goran pyawêkî řeşîd bû xełqî dêyekey pakî wexiř kirdewe; pakî qur’anî xward gutyan: «debê qiseman yek bê sibḧeynê debê bangi’êştinyan bikeyn bo małe heyder goranî, fesłî neharê».
kake şêx û kake mîr û dwazde bira bûn; bangi’êştinyan kirdin. her birayekyan de nêwanî dû kirmancanda dana. nanyan hêna dayan na; gutyan: «bîsmîlla». destêkîş gutî: «ya’ełła». her kes cîranî xoy girt, serî her dwazdan le meclîsyan biřîn. xwên beser nanîda řija. řayan kêşa małe kake mîr û kake şêxan. hemû jin û kiçî wanyan fesad kird, betołey xoyan ’îwezyan kirdewe. heyder goran hemû mexlûqekey hełgirt. pakî birde ser kûpełey ximî. pakî de ximî na, pakîşî de quřê nan. řoyn bo estembûłê bo şikayetî sułtanî. yay estî dełê be yay beẍdanê:
«xuşkê diłim be ẍûlûre, çendî be ẍûlûre
temaşay êxterxaney kakan bike, deber bor û bidewanim kewtuwe cil û hewsar û tûre
le dîwexanî kakan hełgîrawe hejde mûteka û dwazde mafûre
ew řojane xuşkî kakan ser bequř ban eger leser małê kakî meyan hełgirt kewł û taqim û sê qełat û sembûre
ewê řojê mil bekwên bay, eger le darî cengey leşkir le dû kakî me debû cembûr be cembûre
êsta bê saḧêb bûm ḧidûdî bê nîşane, bê seła bûn xanmî de řûsûre
çendim gut kake meço, małe heyderî pyawêkî ẍeyane, le dostayetî bedûre
xełqî merge! emin çibkem, çi bikirênim
boxom de’waye bikem ya besułtanî řabgeyênim
emin xwênî dwazde biray xom le kê bistênim?»
yay beẍdan dełê yay estîye:
«xuşkê ew heła û herayet bo çîye?
carê biçîn, cenazeyan bênînewe, le małe heyder goranî teslîmyan bikeyn begłîye
ew demî mesłeḧetî lê dekeyn bizanîn tegbîrman çîye».
çendî noker û pêşxizmete řawestawe
ewî ře’yet bê le wiłatî mergêda nemawe
çûne małe heyder goranî, cenazey birayan hełdegirt û deyanhênawe
bang leser bangyan lê dawe
dełê: «hîç kes way lê neqewmawe
le dwazde birayan yek nemawe».
pak kifit û difin kirawe
pakî çû de xakê nirawe
mexlûq bo małê geřawe
yay estî dełê: «xuşkê yay beẍdanê! xeberêkim debîst yekim dedeyna ẍułuwêk le derkî małe babî meye nazanim ew ẍułuwe ne şayîye û ne şîne».
kê bû le karekerê gwar zêřîne
lew layeřa deçû beguşadî û bepêkenîne
lew lařa dehatewe begryan û řûpçiřîne
dełê: «xatûnîne! werin, hemû wêkřa bigrîne
ew ẍułuwe le derkî małe babman bû, şayî bû, lêyan bû beşîne
le dîwexanê kakanyan hełgirtin aftawe û mesîne
le êxtexanê kakî meyan derhênan cwanûley de newzîne
xatûnyan pîl degirt û deryan dehêna
swarî cwanûleyan dekirdin be qerepoşî de şîne
be mirdin û tałanîş qayl nebûn jinyan be êxsîr birdîne
ca, me tegbîrê çilon bikeyn, xeberê bideyn be sułtanî emîne».
yay beẍdan dełê: «xuşkê! çendim gut: kake meço, berî mergê be mîwanî
meçuwe małe heyderî degeł heyder goranî
fêłî wanim gelêk zortirin le fêł û ferecî şeytanî
qet buwe, lekne xot, pyawetî bikey, bideyewe nanî
qet waş debê, bê řuḧmî û bê îmanî
serî dwazde birayan bibřî leser sifrey de nanî
xuła bika mergeyîyan bibînim her wehayan beserê
řisqî wanim biçîte ser piştî makerê
sed barî řeḧmetan bibê le kuřî mêrê degeł mêre diskerê
be tołey aẍay xoy hejdey dane ber xencerê
hejdey de dîşî dawîtne berê
le zebrî destan û le xwênî cigerê
ewa likey şil debû le xencerê
neḧlet le babî ew westaye bê lepaş kuřî mêre diskerê
eger sê bizmaran neda le goy xencerê
eger xencer bizmarî bibê, le deskî nayetederê
hey řo, birale řo!
ew cêy kake mîr û kake şêx lêyan dekird şeqên û şeřeko
êsta, mergeyî gûxorbab deykene birincař û pemo
kes nîye cûtey de aẍayan
cûtey naske swaran
hełgirê byanbatewe muqbirey kin babî xo».
«řeḧman» xoş bî «saḧb» řeḧmet le to