le tewsîf çapxane witrawe
From the Book:
Dîwanî Şêx Nûrî
By:
Shekh Nouri Shekh Salih (1896-1958)
1 minutes
662 views
em mujde xoşe, xew buwe, ya gwêm ziřayewe
ya řaste perdeyî teřebe, hełdirayewe
ya necmî tereqî kurde, tiłû’î kird
ya nûrî me’rîfet, le wiłata pijayewe
nagah, nîda le ẍeybewe hat û witî: bełê
pêşkewtine le memleketa dengî dayewe
pêşkewtinî se’adetî kurd, hatinit bexêr
ẍunçey diłim, bebonî nesîmit geşayewe
lew sawe min ke hatnî tom bîstuwe ełêm
oxey şukir, çiraẍî cehalet kujayewe
toy ba’îsî se’adetî kurde feqîrekan
dergay me’rîfet, ke bedestî to kirayewe
mî’adî se’îye, firsete, ta wextî sin’ete
fîşał û tiř zilî bese îtir biřayewe
ba dest bikeyn, be sin’et û teḧsîłî me’rîfet
ba zû bigeyne pêşewe, beşman nemayewe
wa tê megen, ke metbe’e bê qedir û qîmete
karêzî ’îlim û me’rîfetî pê jyayewe
şukirî xuda, kewtîne jêr sêberî ’îlim
«bî»y bê berî cehil, liq û popî şikayewe
binwaře nûrî me’rîfet û lem’ey kemal
bem metbe’ey ḧikûmete, çon şewqî dayewe