felsefe
From the Book:
Dîwanî Zêwer
By:
Zewar (1875-1948)
1 minutes
808 views
çawekem ḧusinit zyad naka belapêçî serit
kafîye bo seydî dił ẍemze û nîgahî diłberit
to zubanit tîj bike bo celbî qełbî ’alemê
fa’îdey êsta nemawe nûkî tîjî xencerit
maderî pîrî weten uftadeye û bê destełat
newciwana! xizmetê binwêne derḧeq maderit
ey mudeřřîs ’îlmî dîn û fennî dinyam pê biłê:
ta řewacî bê le lay em xełke cubbe û mêzerit
řêgeyekim pê nîşan de pêy bijîm lem ’esreda
werne min baweř ekem zahîd! beřojî meḧşerit
pêy dełên: em ’esre ’esrî întîbah û îrtîqa
toyş keçî her nûstine her řakşane cewherit
to ke marî pêwe dawî çarî tiryakê bike
key şîfaye nałe nał û kewtinî ser busterit
ta heway seyrî muẍennî û neẍmeyî tarit bibê
řojî řûnakit şewêkî taze neḧse exterit
řêgeyê başt nîşan dem to le cêy taqe û ẍezel
îftîxare ger le berkey şî’rî başî «zêwerPen name»t