be kurtî beserhatî mîrî řewandiz
From the Book:
Deştî Germyan
By:
Qani (1898-1965)
4 minutes
1088 views
bo gencî ladêy kurdî diłsûtaw
yadgarî kon exeyne pêş çaw
mîrî řewandiz, mîrî mîran bû
řeşîd û nebez, şêrî şêran bû
qaremanî gel netirs û dilêr
wirya û bê řefêq, şêrî bêçuwe şêr
xademî gel bû, xawenî naw bû
le katî xoyan mîrî tewaw bû
le řewandiza lew şax û kêwe
ḧukmî paşayî ebird beřêwe
le dewrey xoya neyhêşt kurdistan
serdanewaw bê bo bêganekan
be hêzî supa, wekû şêrî mes
kemê le turkî hênaye jêrdes
le řojhełato mîlletî êranLocation
lem mîre gewre bedił etirsan
řewandizî kird bew şare cwane
kirdî be paytext cêgey şahane
be destûrî cwan, zor be gumřahî
řazandîyewe telarî şahî
seray wezaret qişłey ’eskerî
xwêndingay gewre bê derdîserî
heta řojî bû ḧukmiřewa bû
serdesey meclîs wizera û şa bû
binçîney payey ’edłî damezran
bo parastinî netewey kurdan
xizmetguzar bû bo hîz û supa
daym çawerwan bo řojî heyca
top û tifeng û dermanî gogird
le řewandiza dirustyan ekird
ta zeman řengî şeřî bo řijand
legeł turkekan pêka hełgijan
řoj be řoj turkî eşkane dwawe
leşkerî turkî ebird bew lawe
turkan kewtine ḧałetî xeter
wityan wa fewtayn xakman beser
çareman çîye ba tegbîrê keyn
beşkû em supa gewre lenaw beyn
hîç çarman nîye, yek şitman mawe
melay mîr’eḧmed ke xetêy nawe
be zebrî pare bîkeyne xoman
em derdey ême ew’eyka derman
eger bigeyne lay melay xetêPerson
gişt îş û karman ebê cêbecê
kaẍezyan nûsî zor be nîhanî
bo melay xetê hîç kes neyzanî
mêqdarêk pare birdyan bo mela
hem nawî dyarî, hem def’ebeła
mîr bêxebere lem hatuçuwe
le ḧast em kare ełêy mirduwe
mela wekîlî mîr eḧmedşaPersonye
zyad le wekîl, qazî û melaye
herçî ke bîka her xoy ḧîsabe
lay şa me’qûle û yekcar nayabe
ke melay xetê kaẍezî bînî
fiřêy da lawe îman û dînî
kewte ser tegbîr ke mîr fewtênê
payey komełî kurd lebin bînê
hesta kewteřê bo telarî şa
birdî legeł xoy wezîrî supa
şa hestayewe zor be îḧtiram
witî bexêrbêy wahatî bolam
lepaş giftugo witî be paşa
etirsim hordû lêman ken ḧaşa
hełgeřênewe teslîm turk bin
bimanxene jêr çepokî dujmin
emewê biřim bo cibhey hordû
we’zê bixiwênim boyan zû be zû
mîr witî: bexwa fikirê cwane
kewabû minîş yem legeltana
mela pêkenî witî: bo mîrim
min lay xoy melam, xawen tegbîrim
hîç lazim naka to teşrîf bênî
zeḧimit bikêşî û ’areq biřjênî
boye hatmelat îcazem ewê
îcazet fermû min eřom şewê
paşa rûy têkird, witî mamosta
man û nemanî kurd wa le desta
sadey ẍîretê bo kurdewarî
laben le nawa kizî û hejarî
xo mela xayen be gel û hoze
mîkirobî xake û dujminî koze
sê ḧukmî hebû, řûy kirde supa
wekîlî şaye û qazîye û mela
wextê geyye naw supay besezman
witî mubarek dînî tazetan
em dînî êwe leser kam dîne
leser kam peyřew, le kam ayîne?
meger nazanin beranber turkan
herkes be şeřo tifengî teqan
xoy bêbeş eka le ayîn û dîn
xoy eka be.... le řûy serzemîn?
ba qyametîş binêyn bewlawe
ke şer’ çendî çendî leser dwawe
ke wextê hordû emyane zanî
kewtine bawkeřo besergerdanî
bû be zayełe û be şîn û zarî
ehatin û eçûn be bê qerarî
wityan mamosta, aman sed aman
çîman lê ekey? destiman be daman
mamosta witî: bên tobe biken
kiřnuş le dergay xelîfe biben
min tika ekem, hewł edem botan
bełkû xelîfe xoş bibê lêtan
hestane ser pê be emrî mela
çek û silaḧ û topyan fiřê da
supa be bê şeř teslîmî turk bû
bo girtinî mîr kewtine hat û çû
mela û quwetê le destey turkan
geřano bo ser mîrî kurdistan
le řewandiza girtyan bê hera
kujra û dewłetî kurd lenaw bira
mela xecałet herdû dinya bû
ne em û ne ew, herdûy ledest çû