azîz nezanam
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
3 minutes
854 views
azîz nezanam, ye xedêw xoten
yeşerit û yeşon yetan û poten
ye dosî, ye meyl, yedłidarîten
yeqewł, ye êqrar wefadarîten
be wełła bîlla sewgend werdeten
ye’dihdû peyman xelaf kerdeten
min pasem zana peřşerit wuşonî
nezanam bê meyl bê tan û ponî
ce bołboł bêzar, xar newazenî
yar çenî eẍyar, bê mecazenî
eger mizanam îne wefaten
îne sizay sext cewr û cefaten
îne şertû ’ehd, beyn wibeqaten
îne xo etwar amaw lwaten
her bew bê şertî dey kerdit qesem
. . . . . . . . . . . . . . . . . . . .Missing
dił medam û êş mewday nîşte rida
têrê mewrdim wetoy cigerda
nedił medam pêt perê diłdarî
ne ciger medam pey zam karî
newłiła û bîlla çenît mewrdim
ne’ehd û peyman be camawirdem
to wedił mayl ....Missing û êşen
...Missing mobet dustî to çêşen
..........................Missing newnemamî no
......................Missing yebê şertî to
yexendey řeqîb ye şadî fêraq
yesoz derûn nałey êştyaq
ye coş xatir, ye esrîn çem
yebê qerarî diłey peř ce xem
yezerdî řoxsar, ye xem yeqamet
ye nêş dûrî ye êş zamet
ey çi xas kerden ceřûy wefawmeyl
eday ênşay ferd me’dûmî dił keyl
«bê to arîzim qerarim çûnen
tewen nyenan, dił goşt û hûnen
ênsafen dûrî zexim bê saman
çêne zyater kafyen aman»
ẍorbetekey çem fire ya kem bo
to خۆا ba satê dił û bê xem bo
bezmekey xeman wesiłit ne wîren
ya nałey peřtem celat diłgîren
.................Missing perê nałeşen
...................Missing hezar sałe şen
......Missing goşey çem nêga darî ker
.................Missing wefadarî ker
î êstêẍna û qîn zyaden pey çêş
řeqîb wimeylit diłşaden pey çêş
ermaçî xestey meynetan berde
tikey zox cerg zametan werde
badey fenay meyl dûrîş noş kerden
arîzê çon min feramoş kerden
........Missing dûrît mekêşûn .......Missing
esrîn dîdem nûr efşan kerden
tîreket merhem şefay derdime n
derdeket derman ahî serdimen
dûrît řaḧetî, hêcret şadîmen
fêraqit mayey dił azadîmen
wesiłit xo sermeşq zêndiganîmen
ḧusinit şerḧ şewq kameranîmen
bełam azîzim çîney zyater
metawu girtey řay dûrî newer