tobekaranen

From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
 2 minutes  808 views
tobekaranen, tobekaranen
sozê lałey germ tobe karanen
kizey ciger soz herde caranen
ya ne, siftekey beyn yaranen
ga merdey bêhoş, ga zêndem be ser
ga wêłî herdan ser’î derbeder
ga leb û xende, demê zarîmen
ladê ce hêcran bê qerarîmen
negêcaw beḧir ceyḧûnî tasem
şikesten keştî sebay henasem
seway amşoy henasem benden
memat binçîney ḧeyatim kenden
werne yek nefes sema û serzemîn
mesozo be nar diłey matemîn
fêdat bam qorban hey ber gozîdem
dûrît kem kerden bînayî dîdem
welḧasił derdan temamî yekser
gişt wenem serdan sewł naz perwer
mecnûnî asa ḧeyat û memat
enîsî minen gyanim bo fêdat
ga weyaney hûn neser kiławan
wêł wêł megêłû perêt nekawan
ga mest medhoş, mat xeyałim
gane fêkir wihoş řagey wêsałim
ga şad û serxoş gahê ẍemnakim
ga çon neqiş seng uftadey xakim
gahê çoł ko, farẍ ne eẍyar
ga enîs raz hem derdê teyyar
gapey dił weşî diłey bê qerar
mekerû razan şekerîn goftar
herçend dił weşî diłe sa bisrew
fizunter mebo giřey nar ew
xo lasey kelam leylî sosen xał
sertapay beden ha bî wezoxał
meger ḧeq, morad min ḧasił kero
dîdey dił dîdey to wasił kero
werne ha, wexten « eḧmedPen name » çun yaran
daxił bo necem’ cergey mezaran