çiraxim berzen
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
2 minutes
849 views
çiraxim berzen, çiraxim berzen
er sed çun hełwen demaxt berzen
metłebê daru nyazim ’erzen
’erzê ’aczan we ḧakim ferzen
’erzim her êden şay newnemaman
serdar defter xeyatey xaman
tupî şêwey xas bê endazewe
pî dyey şehlay çun şabazewe
pî qews qetran dewr dîdewe
pî gonay goł řeng ḧeq rejîdewe
pî keçî serwên hezar řengewe
pî şêwey şîrîn şuxê şengewe
pî mînay gerden saf bê gerdewe
pî şe’şe’ey şewq lîmwî zerdewe
wey pêłwî maştey qetranyewe
wey amşoy xas řay kanyewe
wêt meḧbûs kerden celay pîrewe
çun bîglerbeygî we zencîrewe
bê seyden ’eyneyn mexmûr mestit
bê xazin menden genc derbestit
sipay encomen dewr çay zemzem
bê rewneq menden gêrten barê xem
le’il eḧmerît esfer minmano
kes nyen qîmet eslîş bizano
min perê tomen şuxê cemîn cam
coş cwanît zû mebo temam
be dîdet qesem dinya direngen
gerdiş dewran û hezar řengen
ha îse tuẍyan newciwanîte
wadey ’eyş û noş kameranîte
îse hay necoş eweł coşeda
ney taf toẍyan fam û hoşda
meḧbûsî lay pîr, wesen kafyen
modarat ba’îs bi ê însafyen
çun wêt pesen ker yek newnemamê
nemam newxêz şîrîn kelamê
bew şerte ḧał zan cefa berdebo
meşqê ’eşq ne lewḧ mecnûnPerson kerdebo
bizano be qedir xałanê ałat
bałay wêş kero piştan bałat
bibot be xazin gencîney derbest
genicit û bê renc bawero wedest
to le şewq ew, ew le şewq to
řobeřo ’eşqit zyater mebo
xałanit mişo weçax werîn
muwaçî «eḧmedPen name» hezar aferîn