cwanît wiyerd
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
3 minutes
953 views
cwanît wiyerd, wadey pîrîten
şête, şadît şî, ha, zwîrîten
rûy eweł sifîd, syabî çûn qîr
eweł sya, sifîd bî çun şîr
didan nedehan tak takêweş mend
yanê hay didan zêndegî wêt kend
dûrbînekey cem, byen teng û tar
yanê ’adet ker we tengî mezar
pîşanît lwan û banî zanû
xwa ḧafêzen pey hewar no
fikirê derwekar cey werter kerdet
bawer we xeyał ’umrê wiyerdet
xecałet bezim ham ferdanenî
engoşt nimay beyn êns û canenî
her serzemîn pamnyey nelêş
feryad mwano her eşya pey wêş
’ałem herasan, teqsîr barîten
melayek ḧeyran şermesarîten
qebrîç pey e’zat ne întêzaren
we syaseng bay çunit qeraren
mîzan ce gunat dił piř endêşen
fikirê giranî û ben biryan pêşen
ta nîm gyan menen tobe ker be dił
çe ḧasił «ribna aẍfirArabic» , sewa
nîmeyê nîmeşew ce xaw bêdar ber
pey cestey xestet zarî û zigarker
dest munacat, hurdare ne dił
binał ne dergay ḧil kerdey muşkił
birêze esrîn ce çare şumî
buwane ferdîn xałoy me’dûmî
«ya ce gunay min kerem awanter
reḧmet ce tawan min ferawanter!
her tonî û tak, dana û tewana
tom henî henî ew kêm bo hana»
beł çun kerîmê şay kerem bê şo
buyero ce corim şermesarî to
ce gozeştey to serguzeşt aro
cew bozurgiteren ew we řût baro
ya qa’im be zat yeganey bê çûn
eger nebexşîm, xelasîm ce kon
«eḧmedPen name» meterse gunat ’ezîmen
eḧmed şafê’en, xalq kerîmen