azîz nexawim
From the Book:
Dîwanî Eḧmed Begî Komasî
By:
Ahmad Bey of Komasi (1795-1877)
1 minutes
1308 views
azîz nexawim, azîz nexawim
bextim bêdar bî amay nexawim
dyay we sîney peř ne zoxawim
wedłey soçyay wêney kewawim
wêney eflatûnPerson nezimit girt zanay
azarş çêşen dewa nimanay
watit her kesê derdiş ey derden
mebo bey tewre ’êlaciş kerden
dû ’enab lib, dû badam çem
dû sîb gona, qetrey awdem
ce pyałey ẍebẍeb safiş bikeran
ce sayey gerden pey pey bweran
cew dima ne bax padşay ḧeyan
pey saknî dił bikero beyan
îse azîzim şux nazaran
min gêłam celay girdîn ’etaran
hîç kam cey dewa nimegno û des
êxtyar weton be feryadim řes
henê çêş waçûn nezan ḧał derd
min neřagey to çendî cefam berd